LA USC DI LADINS | NOVITÉS | FOLIET EDEMANAL DLA UGLD

	"Plata dla Union Generela di Ladins dla Dolomites" Italia – Südtirol – Urtijëi, St. Ulrich, Ortisei P.IVA IT-00518150214
04 de setember 2010 I Edizion Nr. 34/2010

Contegnù

Archirida

Al vegn chirì:

chirì maioura archirida

Temesc

Rubrica

Dancà y da na pert

Doi ciacole con Leandro Santin, diretor de stazion dl compresòr dai schi de Chël Vësco.

Porsones

Robert Palfrader Le "Kaiser" austriach cun raîsc d’Al Plan respogn ales domandes de nosc foliet.

Le "Kaiser" austriach cun raîsc d’Al Plan respogn ales domandes de nosc foliet.

Mujiga

Grand Prix

Belsy y Florian Fesl à venciù l Grand Prix dla mujiga da mont. Chëst iede per i Paejes Tudësc.

Dlijia

Tl nojel dla fede

A La Ila y San Martin vëgnel metü da jì dui cursc de aprofondimënt dla fede. Intervista cun Lois Kastlunger, presidënt de cöra a La Ila.

vos seis chilò: Home > Novités
revers	Novités

Proa deberieda di judacrëp


	Bën 60 judacrëp ie unic adalerch

Ai 20 de jené se à l Aiut Alpin Dolomites abinà sun l Jëuf Falzares tal Col Galina per la gran proa sun levina. Dut adum iel unit adalerch plu de 60 sucoridëures, nce cun zeche cians, n reprejentanza de duta la scuadres dl Aiut Alpin Sucors - Do la gran desgrazia de chëst ann te val Lasties cun cater morc dla scuadra dla Auta Fascia, à dantaldut l caposcuadra dl’Auta Fascia y presidënt dl Aiut Alpin Dolomites Gino Comelli ulù desmustré che n muessa jì inant cun chësc lëur de ulentariat, ajache la jënt ne zederà nia de jì tla montes. Cun ardimënt muessen se urganisé y fé proes tecniches per pudëi for vester tlo a judé ora tla montes. Duta la scuadra de Cortina d'Ampëz à doi dis alalongia laurà dassënn per njenië ca cater levines sun Col de Galina, giavan ite massaria da jì cun i schi y sac, zeche ënghe cun Recco, chël ie de tel pitla plachetes sun la tutes che refletea n senial mandà da n aparat fat aposta per crì la jënt. Pona iel mo unì giavà ite persones tla bujes che fova unides njeniedes ca i dis dant. L caposcuadra de Cortina Mauro Dapoz se à tëut sëura la direzion dla proa y à spartì su cater grupes sun la cater levines. Uni grupa messova se rangë cun n si capolevina. Sun uni levina àn cialà de mëter adum la jënt dla scuadres daujin, per ejëmpl Mareo, San Martin de Tor y La Val sun una, ajache te na ucajion reéla saràl for la scuadres dl raion daujin che muessa se judé ora una cun l'autra. L se à bel riesc desmustrà la gran profesciunalità di uemes de duta la scuadres, sun uni levina y do puec menuc iel unì trat ora la persones che fova unides giavedes ite, velch cun la massaria da crì Recco, velch cun l pipser y velch cun i cians. Te zirca caranta menuc iel unì abinà duta la roba metuda sot ala levines, metan nce a jì grupes cun la sondes tradiziuneles. Da dedò iel mo unì fat vel’ proa tecnica cun i aparac nueves. N dutor à dat spiegazions n con’ dl cumpurtamënt canche n ruva pra na persona trata ora da na levina. Ala fin iel mo julà adalerch l joler dl Aiut Alpin Dolomites, ulache l ie unì spiegà i mesuns che n à sul joler per crì sun la levina n hovering. Chësc ie for sun la fundamënta de n pipser o recco che vën lascià ju tl aier da joler. Ala fin iel pona mo unì fat na desmustrazion de evacuazion sun la sentadoia de Col de Galina, n pert se arpizan su sun l mplant y zeche manovres ënghe cun l joler. La scuadra de Cortina ti à da dedò mo pità a duc na bona marënda. Gino y Mauro à mo rengrazià per l gran numer de uemes y scuadres unides adalerch. Günter Comploj

Home - Gherdeina - Val Badia - Fascia - Fodom - Anpezo - Atualité - Spezial - Sport - Manifestazions - Inserac - Servisc/Abo - Archif Impressum - Derc de autour - Protezion di dac