LA USC DI LADINS | | FOLIET EDEMANAL DLA UGLD

	"Plata dla Union Generela di Ladins dla Dolomites" Italia – Südtirol – Urtijëi, St. Ulrich, Ortisei P.IVA IT-00518150214
14 de jugn 2013 Edizion Nr. 23/2013

Contegnù

Archirida

Al vegn chirì:

chirì maioura archirida

Temesc

Rubrica

Dancà y da na pert

Matteo D’Arma vir tla Spagna. I se l’ùn cuntada impara.

Scola

Premiazion

Stephanie Zacchia premièda a Trent per n concors su l’integrazion.

Mujiga

Armonica

Mattia Demetz é campion dl mond de suné l’armonica.

Jëuni

Mutons de Dioniso

Gran festa sun pitla plaza de S. Antone a Urtijëi per stlù ju l’Enes di Jëuni 2013.

vos seis chilò: Home > Comentar de pruma
revers	Comentar de pruma

Tenpo de votazios 

 Al é temp de elezions chilò te Ampez, elezions dezisives per l doman de Cortina, elezions che determinarà sce l capocomun atual, Andrea Franceschi, portarà inant si mandat, o sce al lasciarà l scagn de ombolt a Stefano Ghezze. I messe reconesce che la aministrazion che é steda a cef dl comun de Cortina per chisc cinch agn, ombolt, conseiers y dantaldut l assessour a la cultura ladina Adriano Verocai à fat truep per la sconanza dl popul ampezan. Mia gran speranza, sciche presidenta dla UGLD y dl' ULdA é samben che la aministrazion che jirà su portes inant i valours y les tradizions de nosta jent. En chest ann, per via di trueps tais che al é vegnù fat, ne vegnìral dé fora da pert dla Region dl Venet degun contribut per les mendranzes, perchel sarà l sostegn da pert dl comun ciamò plu emportant. Ie spere che chestes elezions portes demé l ben per nost paisc y per la comunité ampezana, che maioranza y minorité vae auna, dantaldut sen che Cortina é impegneda te projec tant emportanc sciche l referendum per passé pro Südtirol y la candidatura ai Mondiai dl 2017, chestions che ti sta dret a cuer a duta nosta jent.

de Elsa Zardini

Home - Gherdeina - Val Badia - Fascia - Fodom - Anpezo - Atualité - Spezial - Sport - Manifestazions - Inserac - Servisc/Abo - Archif Impressum - Derc de autour - Protezion di dac