LA USC DI LADINS | MANIFESTAZION | FOLIET EDEMANAL DLA UGLD

	"Plata dla Union Generela di Ladins dla Dolomites" Italia – Südtirol – Urtijëi, St. Ulrich, Ortisei P.IVA IT-00518150214
24 de mei 2013 IP Edizion Nr. 20/2013

Contegnù

Archirida

Al vegn chirì:

chirì maioura archirida

Temesc

Rubrica

Dancà y da na pert

N valgönes domandes ala jona Claudia Gerstl da Latsch y Al Plan.

Sport

Arpizeda sportiva

I atleć de Gherdëina se fej gran unëur a Imst.

Sozial

Osteopatia e counselor

Daniele Mazzel porta inant te Fascia chesta sort de terapies.

Musiga

La scogna

Insciö se tlama le CD nü de Iaco Rigo y Andrea Federa.

vos seis chilò: Home > Manifestazion
revers	Manifestazion

Gran festa per Sèn Vile a Moena 

Per dut l fin de setemèna fin en mèrtesc ai 26 de jugn musega e legreza per duc 

Ence chest an la Musega de Moena endreza na bela festa per onorèr l patron Sèn Vile. Dai 21 ai 26 de jugn l paìsc e l tendon jun Navalge se viventarà con musega, guanc, magnères tipics, colores e viveza. Insnet, vender ai 22 de jugn da les 17.00 vegn avert l tendon e da les 20.30 se podarà balèr coi “Tiroler Alpenklang”. En sabeda ai 23 da les 17.00 orirà l tendon e da les 18.00 la cèsa da fech e dapò da les 20.30 i “Goldried Quintett” sonarà per duc con gran sbunf e gaissa; l spetàcol l’é arsegurà. En domenia ai 24 da les 12.20 marena te tendon con la Banda de San Giorgio Val de Susa e da les 15.00 defilèda per la strèdes de paìsc con la Museghes de S. Giorgio, Petersberg, Reichenau bei Innsbruck e Vich; i Grop Folk de Soraga, de Dèlba, Penìa Cianacei e Grìes e de la Val del Biois. Da les 16.00 conzert te tendon de la Musikkapelle Petersberg, da les 17.30 aperitif col grop furlan Radio Zastava e da les 20.30 serèda coi Alpenboys. En mèrtesc ai 26 de jugn, dì de sègra, da les 8.30 vegnarà descedà l paìsc, da les 10.00 vegn dit messa grana e dapò la Musega da Moena se n arloarà fin jun Navalge, olache te tendon se podarà magnèr duc ensema. Da les 14.00 conzert de la Banda Comunala de Moena e premiazion del 2° concors musical “Paolo Chiocchetti”. Da les 17.00 aperitif col grop de joegn dal post “Midnight” e da les 20.00 serèda con la “strìes” Isartaler Hexen. Duta la 4 seres sarà a la leta n servije de bus debant che pearà via da Ciavaleis e da Cianacei ogne ora (8, 9 e 10 da sera) e l jirà de retorn da les 12 e da la 1 de net, ferman te duc i paìjes. Dut l program é sul sit www.bandacomunalemoena.it.

Home - Gherdeina - Val Badia - Fascia - Fodom - Anpezo - Atualité - Spezial - Sport - Manifestazions - Inserac - Servisc/Abo - Archif Impressum - Derc de autour - Protezion di dac