LA USC DI LADINS | FODOM | FOLIET EDEMANAL DLA UGLD

	"Plata dla Union Generela di Ladins dla Dolomites" Italia – Südtirol – Urtijëi, St. Ulrich, Ortisei P.IVA IT-00518150214
04 de setember 2010 I Edizion Nr. 34/2010

Contegnù

Archirida

Al vegn chirì:

chirì maioura archirida

Temesc

Rubrica

Dancà y da na pert

Doi ciacole con Leandro Santin, diretor de stazion dl compresòr dai schi de Chël Vësco.

Porsones

Robert Palfrader Le "Kaiser" austriach cun raîsc d’Al Plan respogn ales domandes de nosc foliet.

Le "Kaiser" austriach cun raîsc d’Al Plan respogn ales domandes de nosc foliet.

Mujiga

Grand Prix

Belsy y Florian Fesl à venciù l Grand Prix dla mujiga da mont. Chëst iede per i Paejes Tudësc.

Dlijia

Tl nojel dla fede

A La Ila y San Martin vëgnel metü da jì dui cursc de aprofondimënt dla fede. Intervista cun Lois Kastlunger, presidënt de cöra a La Ila.

vos seis chilò: Home > Fodom
revers	Fodom

Proget da setcëntmile euro per la strada da Ornela

Aprovè nchëstadì da la Provinzia per la mëte n segurëzza da le levine


	La levina tomada n l ann passé su la strada da Orn...

Ornela - Setcëntmile euro per mëte n segurëzza da le levine la strada de Ornela. Chëst chël che perveiga l proget preliminar, aprové nchëstadì da la Jonta Provinziala. Vignarà realizé dei paralevine e galerie. “Chël pervedù sui 1600 metri de rive a nord de la strada che porta a la frazion, l é n intervent che ven da la nezessité de arjiné l mèlsté porté da le trope boe e levine che toma ogni ann sun chël tòch de strada” l à comentè l prescident de la Provinzia Gianpaolo Bottacin, che l à la delega a la defendura del taren. “Boe e levine le ijola da spëss i abitánc de la frazion. N Jonta on aprovè l prum stralcio del proget che la perveiga la realizazione, n dut, de siech galerie artifiziale ntei luosc plu critizi, per n investiment total de 700 mile euro. I ntervenc pervedus nte la chëla śòna i é stèi pervedus drio a nen studio porté nnavánt dal Arpav e dal Zenter Levine de Rèba, che l à analizé la situazion e individué i luosc ulàche plu da spëss ven ju le levine nte chël tòch de strada e che mpermët coscita de ntervegnì nte le śòne plu a riscio.” Content de la scomenciadiva de la Provinzia il Capocomun Ugo Ruaz. “Bele st’isté via ève solevé l problema al prescident Bottacin” conta Ruaz. “La strada de Ornela l’é stada très a riscio per le levine e le boe. Ma i problemi plu gròsc i é stèi n l ann passé, cánche la strada l’eva stada sarada per setemane a la longia. Na situazion da no podei azeté per chi che vif colavia. Son content che la Provinzia abe capì chësta situazion e la siebe ntervegnuda con chëst proget. Zerto se trata de n preliminar per capì cotánt che podarà costé n intervent che, se realizé, l darà la soluzion a troc problemi. Coche à dit Bottacin, se trata den proget che l Zenter Levine ava bele fat da nvalgugn agn, ma no l é mèi ste porté nnavánt perciéche manciáva i sciòldi.” I finanziamenc da ulà vignarali touc? Mossaralo ence l Comun trè fòra vèlch ? “No no, chiò se trata den intervent nvié via da la Provinzia e spò a chësta spetarà ence de ciapé i sciòldi.” Ence se no ntel tòch de strada nterescé da chëst proget, proprio n l ann passé na gran levina l’eva ruada nte strada puoch dalonc da la gliejia de Ornela, ntánt che vigniva dit rosare. Per poura che valgugn assa podù ester sot ite l eva ste alerté le scuadre de prum aiut. Ma tòst davò n prum souraluoch l eva ste azerté che coscita no l eva e l fat l s’ava saré ite senza dagn per degugn.

(ls)

Home - Gherdeina - Val Badia - Fascia - Fodom - Anpezo - Atualité - Spezial - Sport - Manifestazions - Inserac - Servisc/Abo - Archif Impressum - Derc de autour - Protezion di dac