|
|
|
|
|
La flama de Olimpia
Les disciplines sportives invernales sarà sciche dant da cater agn (Torino) al zenter dl’atenziun mondiala. Vancouver tl Canada é enjigneda ai juesc: ai 12 de fauré gniral metù de jì la zerimonia de daurida
| |
|
| |
La flacola olimpica é indò ruveda sun l post di ju... |
Olimpiades - En vendres ai 12 de fauré gniral daurì i juesc. Nos tla Ladinia son chesta outa a na gran destanza dai juesc, mosereda tl temp con nuef ores. L utl é che i podaron cialé gran pert dles gares via per l dì y i ne messon nia lové de nuet (sciche canche les gares é tl’Asia y de chisc versc), dantaldut les gares de schi alpin che sarà tla natura via per l dì podaronse vedei dal vif tles ores da sera. L program des chi alpinL prum dì de competizion, sabeda ai 13 de fauré, saral bele la discesa di ei. Les gares de schi alpin gnirà dutes metudes de jì tles monts de Whistler. La discesa piarà via da les 11.45, che fossa tla Ladinia dales 20.45. L prum ladin de schi alpin sun pista sarà bonamenter ai 16 de fauré Manfred Mölgg da les set da sera te nostes televijions per la discesa de combineda, da la mesa dles undesc saral spo l slalom. Ai 21 de fauré saral l slalom lerch di ei con i nosc Manfred Mölgg y Alexander Ploner, te nostes televijions da les 19.00 inant. La pruma atleta ladina de schi alpin sarà al start empormò con l slalom lerch ai 24 de fauré - Manuela Mölgg, ai 26 de fauré saral spo l slalom con la medema Mölgg y Chiara Costazza. Carolina KostnerLes proes olimpiches por Carolina Kostner é sun l program dal dì 23 de fauré inant tl Pacific Coliseum. Bele con l dì 13 de fauré peia via les gares de biatlon con Michela Ponza che à chances de medaies. Les garejedes de paslonch é sun l porgram ai 15 de fauré tl parch olimpich tlamè sciche l post “Whistler”. Empormò ai 27 de fauré 2010 saral al start l marou Meinhard Erlacher per le slalom lerch paralel de snowboard. Catordesc ladinsI atlec ladins che sarà da vedei sun la glacia a Vancouver y sun les neis entourn Vancouver é chisc: Carolina Kostner de Urtijei (jadiné artistich), Karin Moroder de Santa Crestina (podejé), Michela Ponza de Santa Crestina (biatlon), David Hofer de Santa Crestina (podejé), Cristian Zorzi da Moena (podejé), Lukas Runggaldier de Santa Crestina (combineda nordica), Armin Bauer (combineda nordica), Christa Perathoner de Selva (biatlon), Manfred Mölgg d’Al Plan (schi alpin), Manuela Mölgg d’Al Plan (schi alpin), Alexander Ploner d’Al Plan (schi alpin), Chiara Costazza de Poza (schi alpin), Cristian Deville da Moena (schi alpin), Meinhard Erlacher d’Al Plan (snowboard). L CONI y l dopingEntratant à la Jonta Nazionala dl CONI, l comité olimpich talian, invié via l jorament per la scuadra di 109 atlec che jirà a Vancouver, metan ite che vignun dla Miscion sotescriarà ence na straufonga de 100.000,00 euro en caje de positivité a n test antidoping. Les medaies de Cristian Zorzi y Karin MoroderGran festa àn abù a les olimpiades de Torino dant cater agn per la medaia d’or arjonta dal atlet fascian de paslonch Cristian Zorzi. Adum a Fulvio Valbusa, Giorgio Di Centa y Pietro Piller Cottrer àl venciù la stafeta 4 per 10 km. Zorzi é gnu ence da Salt Lake City, l ann 2002, con suzesc olimpics y medaies, dantfora chela d’arjent tla stafeta 4 x 10 km; pro chestes medemes olimpiades à Zorzi podù se taché entourn l col ence la medaia de bront venciuda tl sprint 1,5 km y Isolde Kostner d’Urtijei à pié do la medaia de arjent tla discesa ledia. Cialan derevers pona a Nagano dl 1998 à l’atleta gherdeina Karin Moroder - che sarà ence a Vancouver - venciù con Stefania Belmondo, Manuela Di Centa y Gabriella Paruzzi la medaia de bront tla gara 4 x 5 km de paslonch. Da les olimpiades a Lillehammer, dl 1994, él da recordé les does medaies de bront de Isolde Kostner, tl super-g y tla discesa ledia. Les medaies d’or dla TaliaLes olimpiades dal plu gran suzes per la Talia é stedes cheles dl 1994 con set medaies d’or. Ence Torino i à porté a la Talia de biei podiums, endut cinch ors con Giorgio Di Centa (50 km paslonch), Enrico Fabris (1,5 km de jadiné debota), l cuartet de jadiné debota (inseghiment a scuadres) Matteo Anesi, Stefano Donagrandi, Enrico Fabris, Ippolito Sanfratello, l bon atlet dla luesa Armin Zöggeler y con la stafeta maschila 4x10km. PortabandieraLa bandiera taliana gnirà porteda pro la zerimonia de inaudazion en vendres a Vancouver dal atlet de paslonch Giorgio Di Centa. L bicampion olimpich de Torino 2006 à comenté: “i tegni dret truep sun chesta inciaria, i me senti davei onoré; al é n onour per dut l paslonch dla Talia.”
|
|